Galicyjski
Tom Ripley sobrevive en Nova York grazas ao seu enxeño para a estafa mentres soña cunha vida fácil. É un experto na falsificación de documentos e ten un extraordinario talento para imitar características persoais. Un día, o millonario Herbert Greenleaf ofrécelle unha viaxe a Europa para traer de volta o seu fillo Dickie, quen leva unha vida bohemia e pracenteira na costa italiana. Ripley acepta a misión e comeza a argallar plans para sacar todo o partido posible da súa experiencia en Italia.Pouco tardará en intimar con Dickie e coa súa noivaMarge, cos que establecerá un triángulo de amizade.Pero aos poucos Ripley desenvolve unha relación morbosae sedutora co seu novo amigo: adopta os seus mesmosgustos e comeza a vestirse coa roupa de Dickie,quen entón comeza a rexeitalo.Hipnótica e brillante, ?O talento de Mr. Ripley?, gañadoraen 1957 do Grand Prix de Littérature Policière, é unhadas obras mestras do suspense que transcendeuos códigos do xénero e que supuxo o nacementodo sociópata máis fascinante da literatura universal.
