Afrykański
"Jong, ek gaan sommer met die deur in die huis val. Die rede hoekom ek hier is gaan oor dinge wat ons in ons studentedae aangevang het en nou geboemerang het." "Hoe nou?" vra Ruan uit die veld geslaan."Ek weet nie of jy nog kan onthou van die eerstejaartjie wat met haar ontgroening met jou 'getrou' het nie?" vra Johan. "Ja, die stil stemmige enetjie. Dit was nogal 'n ding en baie prettig," lag Ruan. "Kan jy nog die troue onthou?" vra Johan. "Vaagweg lui daar 'n klokkie want ek het nooit ingestem nie behalwe die een keer, want sy was een van die mooiste meisies en in 'n ander klas as die ander meisies," lag Ruan. "Jy was lekker gekoring en toe word ek sommer nadergetrek om dit na 'n werklike troue te laat lyk," verduidelik Johan. "Jy was maar net so lekker gekuier," lag Ruan kliphard."Wel, sy en jy is toe per ongeluk werklik deur my getroud," antwoord Johan versigtig...Hoe sal jy voel as jy skielik uitvind jy is eintlik getroud wanneer jy veronderstel was om jou droom te gaan uitleef oorsee? Het jy ook ondeurdagte dinge in jou jongdae gedoen wat later kinkels in jou lewe veroorsaak het?
